15-ئۆكتەبىر ياپونىيەدە زىيارەتتە بولۇۋاتقان د ئۇ ق رەئىسى رابىيە قادىر خانىم يېتەكچىلىكىدىكى ۋەكىللەر ياپونىيەنىڭ ئىبارىكى ئۆلكىسىنىڭ جوسو شەھىرىگە بېرىپ سۇ ئاپىتىگە ئۇچرىغان خەلقلەردىن ھال سورىدى.
جوسو شەھىرىدىكى ھال سوراش پائالىيىتىدە رابىيە قادىر خانىمغا د ئۇ ق نىڭ مۇئاۋىن رەئىسلىرىدىن سېيىت تۈمتۈرك، ئۆمەر قانات ۋە ياپونىيەدىكى دۇنيا ئۇيغۇر قۇرۇلتىيىنىڭ ۋەكىلى دوكتور تۇرمۇھەممەت ھاشىملار ھەمراھ بولغان،
ھال سوراش پائالىيىتىدە جوسو شەھىرىنىڭ شەھەر باشلىقى تاكاسۇگى تورۇ رابىيە قادىر خانىم بىلەن سۆھبەتتە بولغان.
د ئۇ ق رەھبەرلىرى ئۇيغۇرلار نامىدىن ئاپەتكە ئۇچرىغان خەلقلەرگە ئۆزلىرىنىڭ ئىئانىسىنى تەقدىم ئەتكەن.
پائالىيەتتە يەنە ئاپەتكە ئۇچرىغان خەلقلەر ئۆزىنىڭ سەنئەت نومۇرلىرىنى كۆرسەتكەن.
بىز مەزكۇر پائالىيەت ھەققىدە تولۇق مەلۇماتقا ئېرىشىش ئۈچۈن رابىيە قادىر خانىم، سېيت تۈمتۈرك ۋە دوكتور تۇرمۇھەممەت ھاشىم بىلەن تېلېفون سۆھبىتى ئېلىپ باردۇق.
يۇقىرىقى ئاۋاز ئۇلىنىشىدىن تەپسىلاتىنى ئاڭلاڭ.