ئىختىيارى مۇخبىرىمىز ئەركىن تارىم
2012.05.19
2012.05.19
4-نۆۋەتلىك دۇنيا ئۇيغۇر قۇرۇلتىيىنىڭ ئېچىلىش مۇراسىمى ياپونىيە پارلامېنت يىغىن زالىدا ئۆتكۈزۈلدى. 2012-يىلى 14-ماي، توكيو.د ئۇ ق توكيودا ئۆتكۈزگەن بۇ بىر ھەپتىلىك پائالىيەت جەريانىدا قۇرۇلتايدىن باشقا يەنە نۇرغۇن پائالىيەتلەرنى ئېلىپ باردى.
ئەڭ مۇھىم بولغىنى د ئۇ ق رەئىسى رابىيە قادىر خانىم باشچىلىقىدىكى د ئۇ ق رەھبەرلىرى ناھايىتى مۇھىم ئۇچرىشىشلار ئېلىپ باردى. ئەڭ مۇھىمى د ئۇ ق رەھبەرلىرى 19-ماي يەر تەۋرەش ئاپىتىگە ئۇچرىغان فۇكۇشىما شەھىرىگە بېرىپ، زىيانغا ئۇچرىغان خەلقتىن ھال سورىدى.
ئۇيغۇر مىللىي ھەرىكىتى رەھبىرى رابىيە قادىر خانىم زىيارىتىمىزنى قوبۇل قىلىپ، توكيودىكى پائالىيەتلەرنى خۇلاسىلىدى.
د ئۇ ق نىڭ ۋەكىللەر قۇرۇلتىيى بىلەن ئۇيغۇر رەھبەرلىرىنى تەربىيىلەش كۇرسىغا 18 دۆلەتتىن كەلگەن 120 ۋەكىل،تۈركىيە، ئىتالىيە، ياپونىيە پارلامېنت ئەزالىرى، ئامېرىكا، كانادا، فرانسىيە، مىسىر ۋە ياپونىيە قاتارلىق دۆلەتلەردىن مۇتەخەسسىسلەرمۇ قاتناشتى.