دۇنيا ئۇيغۇر قۇرۇلتىيى رەئىسى رابىيە قادىر خانىم ياپونىيە زىيارىتىنىڭ ئۈچىنچى كۈنى كاگۇشىما خەلقئارا ئۇنىۋېرسىتېتىدا دوكلات بەردى. ئۇ «يىپەك يولىدىكى ئەجدەرھا بىلەن ئېلىشىۋاتقان ئۇيغۇر ئانىسى» ماۋزۇلۇق دوكلاتىدا، ئالدى بىلەن ئۆزىنىڭ سەرگۈزەشتىلىرىنى ئاڭلاتقاندىن كېيىن، ھازىر ئۇيغۇرلار دۇچار بولۇۋاتقان ئادالەتسىزلىكنى، ھەقسىزلىقنى ۋە بېسىملارنى مىساللار بىلەن بايان قىلدى.
ﻣﯘﺧﺒﯩﺮﯨﻤﯩﺰ ﺋﻪﺭﻛﯩﻦ ﺗﺎﺭﯨﻢ
2009.10.22

Rabiye-xanim-yaponyade-sahipxanlar-bilen-305.jpgﺳﯜﺭﻩﺕ، 22 – ﺋﯚﻛﺘﻪﺑﯩﺮ ﻛﯜﻧﻰ، ﺭﺍﺑﯩﻴﻪ ﺧﺎﻧﯩﻤﻨﯩﯔ ﻳﺎﭘﻮﻧﯩﻴﻪ ﻛﺎﮔﯘﺷﯩﻤﺎ ﺧﻪﻟﻘﺌﺎﺭﺍ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺩﻭﻛﻼﺕ ﺑﻪﺭﮔﻪﻧﺪﯨﻦ ﻛﯧﻴﯩﻨﻜﻰ ﻛﯚﺭﯛﻧﯜﺷﻠﯩﺮﯨﺪﯨﻦ ﺑﯩﺮﻯ.
رابىيە قادىر خانىم سۆزىنىڭ ئاخىرىدا، ئۇيغۇرلارنىڭ خەلقئارادىن شۇنداقلا ياپونىيە دۆلىتىدىن كۈتكەن ئۈمىدىنى ئوتتۇرىغا قويدى.

بىز بۇ دوكلات بېرىش يىغىنى ھەققىدە مەلۇمات ئېلىش ئۈچۈن نەق مەيدانغا تېلېفون قىلىپ رابىيە قادىر خانىم ۋە باشقىلار بىلەن تېلېفون زىيارىتى ئېلىپ باردۇق.

رابىيە قادىر خانىم بۇ قېتىم، 10 – ئاينىڭ 20 – كۈنىدىن 11 – ئاينىڭ 2 – كۈنىگىچە ياپونىيىدىكى 10 ئۇنىۋېرسىتېتتا لېكسىيە سۆزلىمەكچى شۇنداقلا ياپونچە نەشر قىلىنغان كىتابىنى تونۇشتۇرماقچى.

يۇقىرىدىكى ئاۋاز ئۇلىنىشىدىن، بۇ ھەقتىكى مەلۇماتىمىزنىڭ تەپسىلاتىنى ئاڭلايسىلەر.